ก้อยกะปอม

ชมกันต่อสำหรับเมนูแซบแห่งปีครับ ก้อยกะปอม มีแง่ปนมานำ แม่เพินว่าปีนี้หายากแฮง เทือสิได้มา
หลานน้อยไปหากับหมู่ตั้งว่า 2 มื่อ เลิกงานมาฮอดห้องกะสองทุ่มแล้ว จัดการเอากะปอมที่ปิ้งสุกแล้วมาอุ่น
ใช้เตาแก๊สนี่ล่ะครับ มันเดิกแล้ว แบ่งเฮ็ดกิน 2 คาบ ยอมกินเอาครับ



จากนั้นสับเป็นต่อนน้อยๆครับ ระวังมันฟ้งหนีเด้อ แห่งมีหน่อยยุ



สับแล้วๆเอาใส่ครกครับ ได้หลายเติบยุดอกครับ



หันมาสับบักม่วงครับ บักม่วงน้อยนี้สุดยอดแล้ว เข้ากันคัก บักม่วงที่เฮาเอาหน่วยสุกมันบีบในออกแล้วเอาข้าวเหนียวยัดนั่นนา
สับมุนๆพอประมาณ อย่าใส่หลายมันสิส้มโพด



จากนั้นเอาบักม่วงใส่ในครก ตำให้แหลกเข้ากันดีกับเนื้อกะปอม



พอแหลกแล้วกะซอยหอมแดง สะระแหน่ ใส่ลงไป ปรุงรสด้วยน้ำปลาแดก ผงนัว พริกผง
คนให้เข้ากัน ซิมเบิ่ง แซบแล้วตักใส่จานหาพาข้าวออกสู่กันเลยครับ
ไผมักเผ็ดกะหักบักพริกดิบตื่ม ไผบ่นัวกะเจ้าน้ำปลาแดกนำ หอมเข้ากันปานหยัง









หันมาทางเหมี่ยงจี่นูน
ส่วนประกอบกะมี บักม่วง หัวสิงไค หอมแดง ใบผักติ้ว จินูน แล้วกะปลาแดกเครื่อง



เอาส่วนประกอบทั้งเบิดมาห่อด้วยใบกะโดน จ้ำปลาแดกเครื่องอีกเทือนึงแล้ว ปุ้มใส่ปากเลยครับ



มาเด้อกินข้าวแลงนำกัน ก่อนกินกะฟาด 037 ลงไปสาก่อน คนละ 2 ป๋อง ออกฮ้อนท้องวาบๆ ชั่วโมงนี่เอาพิซซ่ามาแลกกะบ่ยอม
เล็กๆน้อยๆจากทีมงานครับผม

แจ่วปลาย่าง

ผักต่างๆ ทั้งสดและต้มเท่าที่สิหาได้ค่ะ

วิธีทำ

เผาหอม กระเที่ยม พริกทั้งสองชนิด กะปิ (ทำนอกบ้านค่ะ สงสารลูกชาย ฮ่าๆๆ)


ปลาทูย่างแกะเอาแต่เนื้อ


โขลกรวมกัน ใส่กะปิ มะขามเปียกซอย (แอบใส่เปลือกกุ้งป่นนำค่ะ อิอิ)


ได้ปลาแห้ง ไข่ต้ม หน่อไม้เหลืองลวก แซ่บจนต้องเพิ่มข้าวค่ะ

ป่นปลาดุก

ส่วนผสม

ปลา catfish (ปลาดุกฝรั่ง)1ตัว
พริกขี้หนู 10 เม็ด
กระเทียม 7กลีบ
หอมแดง 2 หัว
แตงกวา
ถั่วฝักยาว
บร้อคโคลี่
ใบสระแหน่
มะเขือเทศ
ต้นหอม
ผักชี


เครื่องปรุง

น้ำปลาร้า
น้ำปลา
พริกป่น

วิธีทำ
1.  ล้างปลาด้วยเกลือและน้ำสะอาด ตัดเป็นท่อนๆ
2. ตั้งหม้อต้มน้ำใส่หอมแดงด้วย เมื่อน้ำเดือดใส่ปลาลงไป อย่าคนเพราะจะทำให้คาว ใส่น้ำปลาร้า ต้มจนปลาสุก เอาออกมาทิ้งไว้ให้คลายร้อนแล้วแกะเอาแต่เนื้อ ไม่เอาหนัง ระวังก้างปลาต้องเอาออกให้หมด
3. คั่วกระเทียม หอมแดง พริกขี้หนูในกะทะให้หอม นำไปตำในครกให้แหลก
4. ใส่เนื้อปลาตามตำให้แหลกละเอียด
5. ใส่พริกป่นตามตำให้เข้ากัน
6. ปรุงรสด้วยน้ำปลาและน้ำปลาร้าต้มจากหม้อต้มปลา ใส่ต้นหอมผักชีที่ซอยละเอียด จัดใส่ถ้วย แต่งหน้าด้วยใบสระแหน่
7. ลวกผักบร้อคโคลี่และถั่วฝักยาวในน้ำเดือดเติมเกลือนิดหน่อย แล้วนำไปแช่น้ำเย็นจัด ผักจะดูกรอบและมีสีเขียวสด
8. มะเขือเทศ ให้ใช้มีดฝานเปลือกเป็นเส้นยาว จัดแต่งเป็นรูปดอกไม้ จัดในจานผัก พร้อมถ้วยป่นปลาจ้า

---

อ่อมหอยจูบ

วัตถุดิบครับ
- หอยจูบ - ผักอีตู่
- ผักอีเลิด - หัวซิงไค
- พริกแห้ง - หอมแดง
- กระชาย - เข้าเบีย (ข้าวสารเหนียวแช่น้ำนานหนึ่งคืน)

เครื่องปรุง
- น้ำปลา
- น้ำปลาแดก
- ผงนัว


บักหอยจูบครับ หน่วยใหย่เติบ ซื้อเพินมาถ้วยนึง 30 บาท จัดการต่อยก้นหอยออก
ยามกินมันจั่งบ่ได้เอาไม้กิ้ม




ตำเครื่องแกงครับ เอาหอมแดง พริกแห้ง ข้าวเบีย กระชาย โขลกรวมกันให้ละเอียดแล้วตักใส่หม้อ
ทุปหัวซิงไคใส่ลงไปนำ




จากนั้นเติมน้ำลงไปครับ ปรุงรสด้วยน้ำปลา น้ำปลาแดก ผงนัว แล้วยกขึ้นตั้งไฟ
ให้ใช้ไฟปานกลางเด้อ แล้วกะพยายามคนหม้อดู๋ๆ บ่ซั่นข้าวเบียสิใหม้ติดก้นหม้อ




พอบักหอยสุก (สังเกตุฝาหอยสิหลุดออก) และข้าวเบียสุกดีแล้ว จั่งใส่ผักลงไป








ปิดฝาหม้ออีกจักคราว พอผักยุบแล้วกะซิมเบิ่ง แซบแล้วกะหาพาข้าวออกสู่กันกินเลยครับ




ได้ซุปหน้อไม่ส้ม กับต้มไข่มาตื่ม ตบท้ายด้วยบักนัดหวานๆ
แนวกินอาจสิบ่หลาย ย่อนเฮ็ดกินกับ ผบ สองคนครับ

ข้าวปุ้นน้ำปลาร้า

 

ปลาแดก สมัยก่อน ข้าวน้ำ อุดมสมบูรณ์ แต่ละปี ได้ปลาหลายยามน้ำหลาก จนฮอดยามเอาปลาข่อน จนได้เฮ็ดปลาแดก ได้ หลายไห ต่อปี แต่มาหลังๆนี้ ปู ปลาหายาก น้ำ ขาดวัง ขาดช่วง ฝนฟ้าบ่คือเก่า ข้าวน้ำกะขาดๆเขินๆ จนได้ซื้อปลาแดกกิน
หลายๆเทื่อเห็นพี่น้องจากทางฝั่งมูล ฝั่งชี เอาปลาแดกต่อน มา แลกข้าว เพราะว่า ปลาแม่น้ำมันโตใหญ่กว่าปลานา ปิ้งแซบกั่วกิน

มื้อนี้ มารื้อฟื้น ความทรงจำเก่าๆ แบบฉบับชาวหาพัก กัน หากินตามกะเยิม อยู่ไสกะอดทิ่ม กำพืดเจ้าของบ่ได้
ได้ข้าวปุ้น(ขนมจีน) ของฟรีที่พี่ที่ทำงานใจดีแบ่งให้มากะต่าน้อย1(เว้าคือซงหลายกะต่าละ 10 บาท)
คึดหยังบ่ออก กินแบบ บ้านๆ นี้ละ แวะลงตลาดซื้อเครื่องปรุง แต่ลืมซื้อผัก หน่ายเจ้าของอีก ฮ่าๆๆ
เครื่องปรุง แบบง่ายๆ มี ขิงกระชาย ข่าอ่อน พริกแห้ง กระเทียม

ต้มทุกอย่าง ให้สุก

แล้ว เอาทุกอย่างมาทุบๆๆ เพราะว่า บ่มี ครก เอาแบบตามมีตามเกิด ทุบพออุยุอายะ ให้กลิ่นเครื่องเทศ ออกหอมๆ

น้ำที่ต้มเครื่องเทศ เอามา ปรุงเป็นน้ำนัว ได้อีก ใส่เครื่องที่ ทุบๆ ลงไป ลวกปลาแดกต่อนเอาแต่น้ำ
ปรุงรสด้วย ผงชูรส เกลือนิด1 พอ เติมรสให้กลมกล่อม แทนการใช้น้ำปลา

ปรุงรสให้นัว และแซบแล้ว สุดท้าย โยนผักชีลาว ผักชีใบเลื่อย(ผักหอมเป) และ หอมต้น ลงไป

มีลูกชิ้นเซเว่น ถุง 1 จับโยนลงไปใส่กัน ตอนแรกว่าจะเอาไว้กินแก้เผ็ด แต่ คึดๆไปแล้วกะใส่นำกันไปโลด
เนื่องจากว่า ลืมซื้อผักมากินกับ มีแครอท เหลือยุ เคิ่งหัว น้อยๆ หั่นเป็นลูกเต๋า กินกับกะแซบ คือกัน
มีดอกไม้ตกแต่งคือใน ร้านอาหารหรูๆ คือกัน เด้ อาหารเหลา พะนะ สมมุติเอา

สุดท้ายกะได้ กิน 2 จาน ในเวลาอันสั้น ฮ่าๆๆๆถ้าเป็นเฮ็ดยุบ้านจะเฮ็ดหม้อใหญ่ๆ ซื้อเส้นเทื่อละ หลายกิโล แจกไทพิน้อง เบิ้ดคุ้ม หลังจากนั้นกะเทียวเข้าครัวจนทางเป็นโสก 55555