แกงขี้เหล็กใส่หนังวัว
วัตถุดิบ
- ผักขี้เหล็กต้มน้ำขมออกแล้ว- หนังวัวแห้ง จี่ให้สุก ทุป แล้วต้มให้เปื่อย
- ต้นหอม ผักชีลาว ผักอีตู่ ผักขา
- หอมแดง พริกสด
- น้ำย่านาง
เครื่องปรุง
- น้ำปลา
- น้ำปลาแดก
- ผงนัว
ผักสดจากตลาดจ๊า
ผักขี้เหล็กจ๊า อี่แม่เพินต้มมาให้แล้ว
หนังวัวจ๊ะ อี่แม่เพินจี่แล้วกะต้มมาให้เรียบร้อย เปื่อยดีปานหยัง
บักพริกโพน อีแม่เพินปลูกไว้นา กำลังงามว่าซั่น ได้ส้มปลาโดกินกับเบิ่งเด้เนาะ คือสิคัก
มาเบิ่งขั้นตอนการเฮ็ด
ขั้นแรก ยองย่านางแล้วกรองเอาแต่น้ำเตรียมไว้ แฮงข้นแฮงแซบเด้อ
ตำบักพริกดิบหอมแดง ใส่แกง แซบบ่แซบกะย่อนครกหน่วยนี่ล่ะเด้อพี่น้อง เฮ็ดหลุดมือแตกแล้ว ขั่นสิออกไปซื้อกะย่านเคิกเฮ็ดแนวกิน
เอามันจั่งซี่ล่ะ ตำบักพริกซือๆดอก
หั่นหนังงัวเป็นต่อนพอดีคำ มีลูกโดดกะเด็ดใส่เตรียมไว้ เบิ่งดู๊พี่น้อง มีแต่หน่วยอ่อนๆ งามๆ ผมเอาใส่กำนึง
แต่ขอบอกว่า อ่อนซือๆเด้อ ความเผ็ด พริกชี้ฟ้าแดงๆนำตลาดยังอาย
เอาทุกอย่างลงในน้ำย่านางที่เตรียมไว้ ปรุงรสด้วย น้ำปลา น้ำปลาแดก ตามด้วยผงนัว แล้วยกขึ้นตั้งไฟ
ล้างผักชีลาว ผักขา ต้นหอม ผักอีตู่เด็ดเตรียมไว้ น้ำเดือดแล้วจั่งเอาใส่หม้อ
รอให้น้ำย่านางสุก ผักสุก ชิมรสชาดตามชอบ แล้วยกลงตักใส่ถ้วยเสริฟได้เลย
แนวกินตื่ม อ่อมกบใส่บักบวบจากอ้ายข้างห้อง ย่อนว่าตักแกงผักขี่เหล็กให้เพิน เพินเลยตักอ่อมกบมาให้แทน
อั่นนี่ หมกไก่ใส่ปลีกล้วย อี่แม่เพินเฮ็ดฝากลงมาพร้อมกับผักขี่เหล็ก ต่างกันหลาย กับซื้อนำแม่ค้าปากซอย
ของแม่ค้า มีตั้งแต่ปลีกล้วย หาต่อนไก่กะบ่มี หรือแม่นหมกวิญญาณไก่กะบ่จัก
แล้วๆกะหาพาข้าวออกสู่กันกิน มาเด้อ แซบๆนำกัน
เล็กๆน้อยๆจากทีมงาน ขอบคุณบ้านมหา และอ้ายๆที่เข้ามาเยี่ยมกระทู้
